來源：雅虎新聞

中國一小網紅3年整容超過100次。「蛇精男師妹」說：每個月不做手術就心癢。

小z娜娜整容前後照片。

愛美係女人嘅天性，有人說選擇每日花好多時間去化妝扮靚，亦有人會把心一橫去整容。現今社會整容風氣愈趨平常，所以唔少人會大方承認及分享整容心得。好似2004年出世嘅內地網紅小z娜娜，13歲開始踏上整容之路，以「真人芭比」為目標嘅佢，喺3年間已經整容超過百次，被內地網民稱為「蛇精男師妹」！

整容成癮嘅小z娜娜，今日佢又去咗做整容手術，仲微博留言：「又在醫院了✌️手術室是我家，我覺得聞着手術室門口消毒水的味道都好聞，可能我真的太喜歡整容了吧！手術室門口接手術的護士都没我懂得流程那麼熟悉，我真的是每個月不做手術就心癢…」

佢不時都會喺微博分享自己嘅整容心得及感受，喺今年年頭佢就貼上自己整型前後嘅對比照，及留言：「我13歲開始整容，給你們整理了一下我做的項目有：眼睛光雙眼皮就做了6次、眼角5次、鼻子4次、脂肪填充2次、全臉磨骨一次、面部吸脂2次、下巴假體一次、腰腹環吸大腿抽脂2次、還有微笑唇唇珠 厚唇改薄 嘴巴就動了3、4次，說說20萬的磨骨，在上海找韓國醫生做的花了20萬，除了頭蓋骨能磨的全部磨了。….花的錢也不計其數了…但是美就夠了…」

小z娜娜亦話自己因為曾經接受多次手術，所以自覺記性唔太好，而手術亦導致身體狀況欠佳，所以現正在休學狀態，需要留家休養。小z娜娜原本於上海讀緊國際學校，不過試過去整容而向學校請假，結果幾乎錯過學校考試。雖然現時留家休養，不過佢學業方面原來早已計劃「以後去英國留學」，有為自己將來打算。

佢知道整容對身體唔好，但認為現時同芭比樣貌仲有一段距離。佢經常收到唔少網民喺網上批評及排斥整容，佢就多次喺微博留言反擊，例如：「不要說整容是為了取悅別人，我就是肯花錢給自己整，我就喜歡整容，整容帶給我自信帶給我快樂！不要跟我說讓我別整了，這不是在為我好，懂嗎？整完容就是素顏都比別人好看！」、「你只看到我們整容後的美貌，不知道我們恢復期打麻藥、躺在手術台、穿著病號服、插著尿管時候，嘴巴都張不開，一直流眼淚流血的痛苦。懂嗎？所以不要輕易隨便去評判一個人，你沒吃過的苦、沒走過的路，總有人走過 、吃過。自己不懂就不要說。」、「女孩子要記住身材和臉蛋才是自己最好的奢侈品，整容改變命運，走上人生巔峰」。

佢嘅整容手術費用高達過百萬人民幣，相信唔少人都好好奇，點解佢會有咁多錢去整容，咁當然背後要有一個金主支持佢啦，而呢個人就係佢媽媽。

另外，一心發展演藝事業嘅佢，除咗開始去試鏡活動之外，噚日仲俾咗三萬幾蚊人民幣報名參加訓練生培訓基地，不過網民們就唔太睇好佢。