首页 » 特別報導 » 浏览内容

許冠文獲頒終身成就獎 鼓勵香港人「要笑住喊」

559 0
标签:

文君綜合報道                                           2022-07-19

 

第40屆香港電影金像獎頒獎典禮於7月18日圓滿結束,79歲許冠文獲頒「終身成就獎」。發表獲獎感言,他特別感謝3個弟弟多年來的默默支持,特別是已經「去咗天堂」的三弟許冠英,他感謝阿英過去的批評,直言「呢個獎大部分都係屬於你」。他說太太是他拍喜劇的靈感來源,並鼓勵「疫境」下的香港人,就算喊都「要笑住喊」。

 

1982年許冠文(Michael)憑《摩登保鑣》成為首屆香港電影金像獎最佳男主角,時隔40年,他在第40屆香港電影金像獎獲頒「終身成就獎」。

 

 

 

感謝弟弟許冠英過去的批評 :呢個獎大部分都係屬於你

 

上台領獎時,79歲的Michael身形fit爆,發表獲獎感言,他除了感謝電影界的幾位前輩貴人:李翰祥、鄒文懷,他還特別感謝3個胞弟:許冠武、許冠英及許冠傑。他說:「佢哋咁多年以來,默默支持住我,因為真係聲都唔敢出,許冠英經常同人講『梗係唔敢出聲,邊敢呀?佢聲大夾惡,又倔強固執,又牙尖嘴利,咪佢講晒囉』。」

 

提到已故的三弟許冠英,他感性直言:「許冠英已經去咗天堂,我知佢今晚一定睇緊,今晚想借呢個機會同佢講,所有你對我嘅批評都係啱嘅,我冇咗你真係唔得,我好掛住你,同埋多謝你,呢個獎大部分都係屬於你。」

 

許氏一家四兄弟名字排序為文、武、英、傑,許冠文為大哥,許冠英排行第三,許冠傑為第四。2011年許冠英過世時,Michael曾非常難過自責,覺得沒有照顧好這個獨居的弟弟。所以,今次的他獎項,他覺得一大半應該屬於過去曾一起打拼而早逝的弟弟。

 

獲頒終身成就獎,Michael直認,不覺得自己終身「有咩成就」,只覺得自己「一世好命」,可以在香港這個「全世界最美麗、最浪漫、最有機會嘅地方成長,係我好命。」

 

「疫境」下太太鼓勵他拍喜劇  就算喊都要笑住黎喊

 

Michael還多謝太太、子女以及2個孫兒,他透露太太才是他的喜劇靈感的來源:「我太太是所有我喜劇靈感來源,佢有非常樂觀嘅人生態度,佢認為今日天跌落嚟,聽日都會更好,有時我覺得山窮水盡,我想拍悲劇,佢就會鬧我,使乜你拍悲劇畀我哋睇?呢個現實仲唔夠悲,睇新聞就得,段段都係,我哋戴口罩戴兩年幾喇。」

 

他表示「疫境」悲情下,太太不准他拍悲劇,因為現實生活中,日日新聞都上演緊悲劇,而是鼓勵他「你一定要繼續拍喜劇,令香港人就算喊,都係笑住嚟喊。」

 

他提醒香港電影屆嘅「兄弟姊妹」:「未來日子我哋會面對比較困難嘅時光,我哋千祈唔好怕,我哋明天一定會更好,我哋香港人永遠有種精神,就算我哋喊,都係笑住嚟喊。」

 

 

中国妇权Women’s Rights in China
邮箱E-mail:wrichina@yahoo.com
网址Website:www.wrchina.org
回到页首